Беларус ці амерыканец? Сталі вядомыя кандыдаты на пасаду рэктара ЕГУ
Вылучэнне Аляксандра Мілінкевіча (злева) змяняе, здавалася б, прадвызначаную хаду выбараў новага рэктара ЕГУ.
Еўрапейскі гуманітарны ўніверсітэт будзе выбіраць рэктара. Як стала вядома «Нашай Ніве» з крыніцы ў ЕГУ, сярод кандыдатаў — 66-гадовы Дэвід Полік (ЗША), выканаўца абавязкаў рэктара ЕГУ, 67-гадовы фізік Аляксандр Мілінкевіч — адзін з лідараў беларускай грамадзянскай супольнасці, 56-гадовы гісторык Алесь Краўцэвіч — былы прарэктар Гродзенскага ўніверсітэта, 44-гадовая філосаф Таццяна Шчытцова, выкладчыца ЕГУ, рэдактарка яго часопіса «Топос».
Выбіраць рэктара будзе Усеагульны сход сузаснавальнікаў. У ім удзельнічаюць арганізацыі, якія спрыялі ўзнаўленню дзейнасці ЕГУ ў Вільні пасля яго закрыцця ў Мінску. У склад Усеагульнага сходу ўваходзяць Інстытут міжнароднай адукацыі (Літва), Фонд «Адкрытае грамадства» (больш вядомы як Фонд Сораса, ЗША) і Фонд «Еўразія» (ЗША).
Як бачым, на пасаду рэктара ўніверсітэта ў выгнанні прэтэндуюць як беларусы, так і «вараг». Ад таго, хто стане рэктарам, будзе залежаць стратэгія яго далейшага развіцця.
«Наша Ніва» запыталася ў студэнтаў і выкладчыкаў універсітэта, што будзе на выбарах і пасля выбараў. Чытайце артыкул у сённяшнім нумары папяровага тыднёвіка «Наша Ніва».
* * *
Будучыня ЕГУ — важнае пытанне для ўсяго грамадства. Беларусі патрэбны незалежны ўніверсітэт! Як калісьці Царскасельскі ліцэй у Расіі ці Віленскі ўніверсітэт у былой Рэчы Паспалітай ХІХ ст., адзін эфектыўны незалежны ўніверсітэт можа зрабіць столькі ж, як сто звычайных. Таму і выбары рэктара ЕГУ — крайне важны момант. Пішыце нам, выказвайцеся, якой Вы бачыце будучыню ЕГУ. Мы гатовыя апублікаваць Вашы допісы.
Апытанка
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары