Удзельнікам масавых мерапрыемстваў у Беларусі забароняць хаваць твары
Дэпутаты Палаты прадстаўнікоў на пасяджэнні 17 снежня прынялі ў другім чытанні папраўкі ў некаторыя законы па пытаннях арганізацыі грамадскай і пагранічнай бяспекі.
Як паведаміў намеснік старшыні парламенцкай камісіі па нацыянальнай бяспецы Уладзімір Базанаў, у прыватнасці папраўкі забараняюць падчас сходаў, мітынгаў, вулічных маршаў, дэманстрацый або пікетаў іх арганізатарам і ўдзельнікам хаваць твары, у тым ліку з выкарыстаннем масак або сродкаў для абцяжарвання ўстанаўлення іх асобы.
Акрамя таго, адзначыў Базанаў, законапраект удасканальвае прававое рэгуляванне паўнамоцтваў дзяржаўных органаў у галіне дзяржаўнай пагранічнай палітыкі, парадку ўезду (уваходу) у пункты пропуску, часовага знаходжання і перамяшчэння ў пагранічнай зоне і пагранічнай паласе, рэжыму ў пунктах пропуску, ажыццяўлення прыгранічнага кантролю.
Паводле слоў дэпутата, законапраект садзейнічае развіццю заканадаўства ў сферы пагранічнай палітыкі, а таксама арганізацыі пагранічнай і грамадскай бяспекі.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў18
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары