У метрапалітэне раскрылі таямніцу, што хаваецца за сакрэтнымі дзвярмі на станцыі «Кастрычніцкая»
У круглым вестыбюлі, які злучае станцыі метро «Кастрычніцкая» і «Купалаўская», ёсць закрыты выхад, які «нікуды не вядзе». Раней там нават стаялі турнікеты, а далей — класічныя шкляныя дзверы метро. Што за імі — адна з найстарэйшых загадак мінскага метро.
Ва ўяўленні пасажыра там можа быць што заўгодна: рэстаран, ігральны клуб, праводзяцца баі без правіл, магчыма, збіраюцца рыцары тайнага ордэна. Там могуць адбывацца нават «вельмі дзіўныя справы». Прэс-служба метрапалітэна нават візуалізавала гэтыя фантазіі.
Насамрэч — усё значна больш празаічна.
За гэтымі дзвярыма знаходзіцца памяшканне, дзе перад заступленнем на дзяжурства праводзяцца інструктажы супрацоўнікаў службы бяспекі Мінскага метрапалітэна.
Выданне Blizko.by дадае яшчэ адну дэталь: гэты выхад першапачаткова планаваўся як звычайны выхад для пасажыраў.
Шлях выводзіць у пераход станцыі «Кастрычніцкая» паблізу Аляксандраўскага сквера.
Выхад — жалезныя дзверы — лёгка разгледзець побач з крамай «Кветкавы базар».
Паводле звестак Blizko.by, гэты выхад неяк думалі адкрыць, каб раздзяліць патокі, што ідуць на станцыі «Кастрычніцкая» і «Купалаўская», і пазбавіцца ад натоўпу.
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары