Беларускі хакеіст-мільянер Аляксей Протас другі раз стаў бацькам
У паспяховага гульца НХЛ і яго жонкі Таццяны нарадзілася дачка.
Пра шчаслівую падзею ў сям’і распавяла ў інстаграме жонка Аляксея Протаса Таццяна. Яна апублікавала рылс з гендар-паці, якое адбылося раней: «3 сакавіка мы сталі бацькамі ў другі раз. Мы так доўга чакалі цябе, наш маленькі цуд. Тут той цудоўны момант, калі мы даведаліся, хто ты, а сёння сустрэліся».
Аляксей нават прапусціў чарговую гульню сваёй каманды, каб быць з жонкай падчас родаў.
І хоць Таццяна не піша пол немаўляткі, падказку можна знайсці ў відэа: там бачна, што ў ключавы момант з’яўляецца ружовы дым.
Таццяна і Аляксей разам ужо шэсць гадоў. Яны абое з Віцебску. Гісторыя іх знаёмства не пазбаўлена рамантыкі. У пары былі агульныя сябры, і ў нейкі момант Аляксей вырашыў напісаць дзяўчыне ў сацыяльных сетках. Тая спачатку скептычна паставілася да хлопца: хакеіст — а не ва ўсіх спартсменаў рэпутацыя добрых мужоў, — дык яшчэ і малодшы за яе. Але ўсё ж вырашыла даць таму шанец.
У 2021‑м пара пабралася шлюбам — Аляксею тады было 20 гадоў. А праз два гады ў іх з Таццянай нарадзілася першая дачка Аліса.
Сям’я жыве ў ЗША, але часам у акаўнце Таццяны з’яўляюцца фотаздымкі з Беларусі. У інтэрв’ю Аляксей распавядаў, што жонка даволі быстра засвоілася ў новай краіне. А дапамагло тое, што ў той момант у хакеістаў з яго каманды амаль не было рускамоўных жонак. Дзякуючы гэтаму Таццяна хутка пачала размаўляць на англійскай.
Дзяўчына скончыла БДУІР, але потым займалася інтэрнэт-маркетынгам.
Аляксей Протас у 2024 годзе падпісаў 5‑гадовы кантракт з «Вашынгтонам». У цяперашнім сезоне ён зарабляе каля 3,75 мільёна даляраў за год.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары