Незалежны інстытут сацыяльна-эканамічных і палітычных даследаванняў апублікаваў дадзеныя нацыянальнага апытання, праведзенага ў снежні 2014 года.
У чацвёртым квартале адчулі пагаршэнне свайго матэрыяльнага становішча амаль трэць беларусаў — 31%. У трэцім такіх было менш — 24,6%. Для параўнання: паляпшэнне адчулі ў абодвух выпадках каля 13%.
Пры гэтым у верасні лічылі, што «сацыяльна-эканамічная сітуацыя ў Беларусі ў бліжэйшыя гады пагоршыцца» 22,5% апытаных, а ў снежні — ужо 33,9%.
Адпаведна, тэндэнцыя павышэння электаральнага рэйтынгу Аляксандра Лукашэнкі змянілася на процілеглы: калі ў верасні за яго гатовыя былі галасаваць за яго на прэзідэнцкіх выбарах 45,2%, то ў снежні — ужо 40%.
НІСЭПД, на жаль, не паказвае, праводзілася апытанне да чарговага валютнага крызісу, які пачаўся 19 снежня, або пасля. Аднак з улікам часу, неабходнага на апрацоўку дадзеных, можна меркаваць, што грамадзяне выказвалі сваё меркаванне ў першай палове снежня. Таму можна толькі здагадвацца, наколькі дэвальваваўся рэйтынг Лукашэнкі пасля таго, як рубель дэ-факта патаннеў на 30%.
У любым выпадку, сацыёлагі канстатуюць: страхі татальнай дэстабілізацыі, якія ўзніклі пад уздзеяннем падзей ва Украіне, паступова праходзяць. Адпаведна, і настрой «абы не было вайны» працуе на Лукашэнку ўжо ў меншай ступені. Асабліва ў сітуацыі, калі рэальная рэчаіснасць балюча б'е беларусаў па кішэні.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці47
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары