Прычым, гаворка ідзе ня проста пра падробку дакумэнтаў — дадзеныя уладальнікаў пашпартоў уводзіліся ва ўсе рэгістры й электронныя сыстэмы дзяржавы.
Гаворка ідзе ня проста пра падробку дакумэнтаў — дадзеныя уладальнікаў пашпартоў уводзіліся ва ўсе рэгістры й электронныя сыстэмы дзяржавы.
Паліцыя бясьпекі Латвіі аб’явіла пра раскрыцьцё злачыннай сеткі, якая складалася ў асноўным зь дзяржаўных чыноўнікаў, якія займаліся вырабам латвійскіх пашпартоў. У дадзены момант пад падазрэньнем знаходзіцца 19 супрацоўнікаў Упраўленьня грамадзянства й міграцыі Латвіі, гаворыцца ў прэсавым рэлізе МУС краіны.
«Пашпарты вырабляліся й прадаваліся ў асноўным расейцам і грамадзянам Беларусі й Украіны», — паведамляе міністэрства.
Гаворка ідзе ня проста пра падробку дакумэнтаў — дадзеныя уладальнікаў пашпартоў уводзіліся ва ўсе рэгістры й электронныя сыстэмы дзяржавы. У выніку ўладальнік пашпарту станавіўся паўнапраўным грамадзянінам ЭЗ.
Сьпіс асоб, якія атрымалі падробныя пашпарты, пакуль не разгалошваецца, аднак усе гэтыя людзі праваахоўным органам вядомыя. Гэта пацьвердзіў у панядзелак журналістам кіраўнік ураду Латвіі Івар Годманіс. Ён паведаміў, што дзеяньне гэтых дакумэнтаў прыпыненае.
«Пра гэтую справу я быў праінфармаваны, калі яшчэ займаў пост кіраўніка МУС, аднак інфармацыя пра яе не раскрывалася, каб не нашкодзіць сьледзтву. Цяпер дзеяньне ўсіх фальшывых пашпартоў прыпыненае, А іх уладальнікі вядомыя», — сказаў ён на прэсавай канфэрэнцыі.
Сетка працавала ў 2004‑2005 гадах. Незаконна было выдадзена больш за 100 пашпартоў. Паводле зьвестак латвійскіх СМІ, сярод «пакупнікоў» пашпартоў могуць быць вядомыя ў Расеі людзі.
Пакупка «легальнага» пашпарта абыходзілася замоўцу ў 70‑100 тысяч эўраў.
Цяпер чытаюць
Што Бабарыка і Калеснікава адказалі на пытанні пра вайну97
Каментары