«Каманда прэзыдэнта Беларусі» ў чарговы раз стала пераможцам чацьвёртага Каляднага турніру аматараў хакею. Толькі што ў адрозьненьне ад камандаў гасьцей сапраўдных аматараў у ёй было няшмат.
«Каманда прэзыдэнта Беларусі» стала пераможцам чацьвёртага каляднага турніру аматараў хакею, што прайшоў у Менску. У фінале каманда Лукашэнкі перамагла расейцаў зь лікам 6:2.
Толькі аднойчы прыз зьехаў зь Беларусь. Летась у фінальным матчы каманда кіраўніка дзяржавы саступіла расейскаму “Газпрому”. Можа, акурат таму Расею сёлета прадстаўляў не “Газпром”, а клюб “Аўтатрэйд” з Тальяці.
На адкрыцьці турніру Лукашэнка параўнаў яго з чэмпіянатам сьвету сярод аматараў. У дзяржаўных СМІ таксама ўвесь час падкрэсьлівалася, што турнір аматарскі. І што ж за аматары гулялі ў складзе беларускай каманды поплеч з прэзыдэнтам і ягонымі сынамі? Сяргей Шыткоўскі, Аляксандар Макрыцкі, Вадзім Бекбулатаў, Алег Раманаў, Уладзімер Цыплакоў, Алег Хмыль, Аляксандар Андрыеўскі, Андрэй Кавалёў, Алег Мікульчык доўгія гады былі лідэрамі нацыянальнай зборнай і зусім нядаўна сышлі зь вялікага хакею. Некаторыя зь іх нават пагулялі ў НХЛ. Дзьмітрый Карпікаў і сёньня абараняе вароты лідэра нацыянальнага першынства “Кераміну” і зборнай краіны. Такім чынам, пакуль канадцы зь фінамі прывозяць у Менск дваровыя каманды, мы выстаўляем склад зборнай сямігадовай даўніны. І — ура! — перамагаем.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай31
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары