Міністэрствам гандлю з 11 студзеня прыпынена праца васьмі магазінаў сеткі «ОМА», размешчаных у Мінску, Віцебску, Гомелі, Гродне, Лідзе, Жлобіне і Магілёве, паведамілі ў прэс-службе ведамства.
Праверкамі ўстаноўленыя факты рэалізацыі пратэрмінаваных будаўнічых матэрыялаў, невыканання асартыментных пералікаў тавараў, падаванне няпоўнай інфармацыі пра тавары, у тым ліку яе адсутнасці на рускай ці беларускай мове, парушэння парадку выкарыстання вымяральных прыбораў, давання скідак на асобныя вырабы і інш.
Акрамя таго, знайшлі пацвярджэнне і выкладзеныя ў неаднаразовых зваротах грамадзян факты перавышэння рознічных цэн на тавары ў параўнанні з цэнамі, якія дзейнічалі на 18 снежня 2014 года: рост цэн у сярэднім склаў 36%.
Для прыняцця мер і ўхілення выяўленых парушэнняў кіраўніцтву сеткі «ОМА» адведзена 10 дзён.
Як паведамлялася раней, на 11 студзеня Мінгандлю была прыпынена праца 48 магазінаў.
Каментары