Навукоўцы правялі маштабнае даследаванне сувязі злоўжывання алкаголем і працягласці працы. Яго вынікі апублікаваныя ў часопісе British Medical Journal.
Даследчыкі абагулілі звесткі шасці дзясяткаў даследаванняў, у якіх узялі ўдзел сумарна 330 тысяч чалавек.
Перавышэнне нормы рабочага дня, даказвае даследаванне, вядзе да дэпрэсіі, стрэсу, праблем са сном. А алкаголь у сваю чаргу дазваляе «прыцішыць» гэтыя праблемы (ды стварае болей новых).
Падвышэнне рабочага тыдня са стандартных у Еўропе 40 да 48 гадзін вядзе да падвышэння імавернасці цяжкой залежнасці ад алкаголю на 11%. Да 54 гадзін – на 13%.
Пры гэтым перапрацоўкі больш уплываюць на мужчынскі алкагалізм, але не залежаць ад геаграфіі ці эканамічнага дабрабыту. Прычынай алкагалізму можа стаць як «здыманне стрэсу» пасля перапрацовак, так і «святкаванне вынікаў» цяжкой працы.
У Беларусі максімальны 40-гадзінны рабочы тыдзень уведзены ў артыкуле 43 Канстытуцыі ў сакавіку 1994 года і распаўсюджваецца на ўсіх работнікаў.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары