Французскі комік Д'еданэ Мбала Мбала, выказванні якога з нагоды акцыі «Я - Шарлі» і масавых маніфестацый у памяць ахвяр тэрактаў і ў абарону свабоды слова прыцягнулі ўвагу праваахоўных органаў, быў арыштаваны ў Парыжы ў сераду, 14 студзеня.
Падставай для затрымання стала ўжо выдаленая публікацыя ў Facebook, у якой комік пісаў, што адчувае сябе «Шарлі Кулібалі» (тэрарыст Амед Кулібалі, вінаваты ў гібелі пяці чалавек).
«Мы не павінны блытаць свабоду меркаванняў і антысемітызм, расізм і адмаўленне Халакоста», — адрэагаваў на сітуацыю прэм'ер-міністр Францыі Мануэль Вальс.
Д'еданэ узяты пад варту па абвінавачванні ў папушчальніцтве тэрарызму. Па законе, арышт можа быць прадоўжаны да 48 гадзін.
Раней гумарыст размясціў у сацсетках ліст, у якім дае тлумачэнні з нагоды сваёй пазіцыі. Ён піша, што падчас маршу, у якім прынялі ўдзел 1,5 млн чалавек, усе яго ўдзельнікі ўсведамлялі сябе «Шарлі» і адчувалі адзінства. Але калі ён вяртаўся назад — востра адчуваў сябе адзінокім і пераследаваным. Ён успомніў, што яго падвяргаюць праверкам, цкуюць у СМІ і называюць «ворагам нумар адзін». Выходзіць, пісаў Д'еданэ, да яго ставяцца не як да «Шарлі», хоць ён таксама пакутуе за свабоду слова. Хутчэй, яго пераследуюць і трэціруюць як тэрарыста Кулібалі.
Раней Д'еданэ не раз абвінавачваўся ў антысемітызме, а французскія ўлады пастаянна забараняюць яго выступленні. Лічыцца, што Д'еданэ выступае за ісламізацыю Францыі.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла23
Каментары