Лукашэнка запатрабаваў высокай якасці аказання медыцынскіх паслуг у паўсядзённым жыцці
Аляксандр Лукашэнка запатрабаваў высокай якасці аказання медыцынскіх паслуг і ў паўсядзённым жыцці, калі не патрабуюцца складаныя ўмяшанні і аперацыі.
Пра гэта ён заявіў 23 студзеня ў Мінску на цырымоніі ўручэння дыпломаў акадэмікам і членам-карэспандэнтам Нацыянальнай акадэміі навук, паведаміла прэс-служба прэзідэнта.
Падчас гутаркі з вучонымі гаворка зайшла пра пытанні медыцыны і аховы здароўя. Лукашэнка сказаў, што дзяржава ўклала велізарныя сродкі, каб мадэрнізаваць установы аховы здароўя па ўсёй краіне, стварыць сучасныя бальніцы не толькі ў абласцях, але і раённых цэнтрах, а таксама самыя сучасныя навукова-практычныя цэнтры. Напрыклад, цяпер у краіне ствараецца анкацэнтр, падобнага якому няма на постсавецкай прасторы. Лукашэнка сказаў, што ў ахове здароўя зроблена вельмі шмат, выбудавана неабходная сістэма, якая дазваляе аказваць медыцынскую дапамогу на самым высокім узроўні.
«Гэта не толькі эканоміка, гэта вялікая палітыка, якая ўплывае ў цэлым на імідж дзяржавы і эканомікі. Любы чалавек зможа прынесці славу дзяржаве, у тым ліку і медыкі», — заўважыў прэзідэнт.
«Ён звярнуў асаблівую ўвагу на неабходнасць клапатлівага стаўлення да вучоных, да іх дасягненняў. Аляксандр Лукашэнка таксама падкрэсліў, што неабходна ўкараняць у вытворчасць дасягненні вучоных», — паведаміла прэс-служба.
Цяпер чытаюць
Круты прызнаўся Лукашэнку, што акупнасць Беларусьфільма — 3%1
Каментары