Біёлаг і эколаг заспелі гіпапатамаў за канібалізмам
Мяркуючы па гісторыі, што распавядае BBC, гіпапатам нездарма атрымаў народную назву ў гонар міфалагічнага дэмана абжорства Бегемота.
Брытанскі эколаг Ліджыя Дорвард засняў на камеру ў Паўднёвай Афрыцы гіпапатама, які пажыраў свайго суродзіча. Свае назіранні за канібалізмам траваедных гігантаў ён апублікаваў у часопісе African Journal of Ecology.
Амерыканскі біёлаг Джозэф Дадлі ўжо шмат год збірае сведчанні крыважэрнасці гіпапатамаў. Па ўсім арэале зафіксавана толькі шэсць выпадкаў, затое даволі разнастайных: гіпапатамы могуць харчавацца антылопамі, сланянятамі і, як у выпадку Дорварда, гіпапатамамі.
Спецыяліст па гіпапатамах Кіт Элтрынгем мяркуе, што да такога жыцця жывёл давялі людзі. Праз адстрэл жывёл дзеля мяса і зубоў, голад ды знікненне крыніц прэснай вады гіпапатамы пераходзяць да драпежнага ладу жыцця.
Дадлі жа перакананы, што такія паводзіны былі ўласцівыя гіпапатамам спрадвеку. Ён спадзяецца, што бум сафары-індустрыі ў Афрыцы дазволіць дзякуючы выпадковым відэа турыстаў атрымаць больш інфармацыі і патлумачыць факты канібалізму гіпапатамаў.
***
Гіпапатам — навуковая назва жывёл (лацінізаванае грэчаскае слова, што значыць «рачны конь»), якія ў народзе таксама завуцца бегемотамі. Бегемот — біблейскі дэман абжорства, чыім імем сталі называць гіпапатамаў ва Усходняй Еўропе з XVIII стагоддзя. Магчыма, асацыяцыю з дэманам выклікаў апетыт жывёлы, якая павольна перажоўвае чатыры дзясяткі кіло травы на дзень. Адна легенда кажа, што назва прыжылася ад імя цыркавога гіпапатама, які запомніўся простаму люду сваімі немалымі памерамі.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары