NASA праверыць Еўропу на наяўнасць незямнога жыцця
У праекце бюджэту NASA на 2016 год запланаваная місія на спадарожнік Юпітара, пад лёдам якога можа быць вадкі акіян, паведамляе New Scientist.
NASA і партнёры створаць зонд, які трапіць на арбіту Юпітара, а адтуль — на арбіту Еўропы. Але не будзе высаджвацца на самім спадарожніку праз магчымую небяспечную радыяцыю. Зонд будзе запушчаны ў другой палове 2020 года, на праграму будзе выдаткавана 225 млн даляраў.
Еўропа па памеры блізкая да Месяца, але на ёй можа быць у тры разы больш вады за Зямлю. Такую выснову навукоўцы ў 90-х гадах зрабілі паводле назіранняў касмічнага апарату Galileo. Нядаўнія назіранні паказваюць, што вада пад лёдам Еўропы можа мець сувязь з атмасферай.
Ад 90-х гадоў Еўропа лічыцца адным з галоўных кандыдатаў на наяўнасць жыцця па-за Зямлёй.
Умовы, падобныя да Еўропы, ёсць і на Зямлі. Навукоўцы шукаюць сляды жыцця ў падлёдным возеры Усход у Антарктыдзе. Лічыцца, што жыццё можа існаваць нават на глыбіні больш за 3 кіламетры пры тэмпературы на 2-3 градусы ніжэй за нуль і ціску ў 400 раз вышэй за атмасферны.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку20
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары