Мінчуку патэлефанавалі з «пенсійнага фонду» — ён прадаў кватэру і страціў 250 тысяч рублёў
78‑гадовы жыхар Мінска стаў ахвярай махляроў, якія некалькі разоў звязваліся з ім пад выглядам супрацоўнікаў дзяржаўных органаў.
Спачатку пенсіянеру патэлефанавала дзяўчына, якая назвалася супрацоўніцай пенсійнага фонду. Яна паведаміла, што правярае налічэнні, і папрасіла назваць пашпартныя звесткі
Мужчына сапраўды сутыкаўся з праблемамі пры пацвярджэнні працоўнага стажу праз страту дакументаў і ліквідацыю арганізацыі, у якой працаваў. Таму тэлефанаванне не выклікала ў яго падазрэнняў.
У той жа дзень яму патэлефанаваў чалавек, які прадставіўся супрацоўнікам КДБ. Ён заявіў, што нібыта ад імя пенсіянера фінансуецца забароненая арганізацыя, таму мужчына стаў падазраваным і ў яго дома правядуць ператрус.
Каб «выратаваць» зберажэнні, пенсіянеру прапанавалі перадаць грошы ў Нацыянальны банк для дэкларавання. Спалоханы мужчына сабраў увесь свой ашчадак і пакінуў яго ў названым месцы за прыпынкам грамадскага транспарту ў Мінскім раёне. Пра тое, што адбываецца, яму забаранілі каму-небудзь расказваць.
Але на гэтым схема не скончылася.
Пазней з пенсіянерам па відэасувязі звязаўся яшчэ адзін «праваахоўнік», на гэты раз ён прадставіўся супрацоўнікам фінансавай міліцыі. Той паведаміў пра спецыяльную аперацыю для затрымання махляроў і пераканаў мужчыну прадаць сваю кватэру.
Паводле слоў ілжэсілавіка, жыллё трэба было прадаць злачынцам, каб затрымаць іх з доказамі злачынства. Да пенсіянера прыехалі двое незнаёмцаў і дапамаглі сабраць дакументы для здзелкі.
Пасля продажу кватэры мужчына атрымаў грошы і па ўказанні зламыснікаў спакаваў наяўныя ў чорны пакет. Затым іх забраў кур’ер. Пенсіянеру патлумачылі, што грошы стануць рэчавым доказам, а пасля затрымання злачынцаў яму вернуць і кватэру, і сродкі.
Праз некаторы час мужчыну паведамілі, што зламыснікі нібыта затрыманыя, а маёмасць хутка вернуць. Пасля гэтага сувязь з ім спынілася.
Зразумеўшы, што яго падманулі, пенсіянер звярнуўся ў міліцыю. Агульная сума шкоды перавысіла 250 тысяч рублёў. Заведзена крымінальная справа
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары