Заўзятарам забаронена праносіць незарэгістраваныя сцягі на чэмпіянат свету па біятлоне сярод юніёраў і юнакоў у Раўбічах
Аргкамітэт чэмпіянату свету па біятлоне сярод юніёраў і юнакоў і УУС Мінаблвыканкама просіць заўзятараў з разуменнем паставіцца да дадатковых мер бяспекі і дакладвае, што ўваход на тэрыторыю РЦАП па зімовых відах спорту «Раўбічы» будзе ажыццяўляцца пасля праверкі ручной паклажы і асабістага дагляду тэхнічнымі сродкамі.
Катэгарычна забараняецца:
- Мець пры сабе агнястрэльную, газавую цi iншую зброю, выбуховыя рэчывы, боепрыпасы, піратэхнічныя вырабы, прадметы, выкарыстанне якіх можа прывесці да нанясення цялесных пашкоджанняў, імітатары і муляжы дадзеных прадметаў; сцягі, вымпелы,не зарэгістраваныя ў вызначаным парадку, эмблемы, сімвалы, плакаты і транспаранты і іншыя сродкі, змест якіх накіраваны на прычыненне шкоды грамадскаму парадку, правам і законным інтарэсам грамадзян;
- Знаходзіцца ў стане алкагольнага ап'янення;
- Прыносіць з сабой алкагольныя напоі, піва, наркатычныя сродкі, псіхатропныя, таксічныя рэчывы, безалкагольныя напоі ў шкляной, металічнай тары і тэтрапакетах, лазерныя прылады (указкі і інш.), грувасткія прадметы (рэчы);
- Накіроўвацца да месца правядзення мерапрыемства з жывёламі і на роварах;
- Дапускаецца праносіць прахаладжальныя напоі ў пластмасавай празрыстай упакоўцы ёмістасцю не болей за літр.
- Грувасткую ручную паклажу можна здаць у камеру захоўвання.
Пераканаўча просім выконваць правілы паводзін у грамадскіх месцах, праяўляць пільнасць, паважлівае стаўленне да ўсіх удзельнікаў мерапрыемства.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы19
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары