Больш за 30 чалавек загінулі ў выніку выбуху на шахце імя Засядзькі ў Данецку, паведамляе крыніца ў Камітэце горнага і тэхнічнага нагляду самаабвешчанай «ДНР».
ukrinform
Спікер Вярхоўнай Рады Уладзімір Гройсман у пачатку пасяджэння абвясціў, што ў выніку выбуху загінулі 32 чалавекі.
Па словах кіраўніка старшыні Незалежнага прафсаюза гарнякоў Украіны Міхаіла Валынца, у самаабвешчанай «ДНР» няма дастатковай колькасці рэсурсаў, каб правесці выратавальную аперацыю, звычайна раней у такіх сітуацыях выклікалі ратавальнікаў з іншай часткі Украіны.
Разам з тым Дзяржаўная служба Украіны па надзвычайных здарэннях не пацвярджае інфармацыю аб гібелі 32 чалавек. Пра гэта паведамляе РІА «Навіны» са спасылкай на кіраўніка прэс-службы ведамства Наталлю Быструю.
«З нагоды шахты Засядзькі — гэта некантраляваная уладай тэрыторыя, але ў мяне ёсць такая інфармацыя папярэдняя: там, на шахце, адбыўся выбух, адзін чалавек загінуў, 15 траўмаваныя, па стане на раніцу 32 шахцёры знаходзіліся яшчэ ў шахце», — заявіла Быстрая.
Паводле інфармацыі з месца здарэння, ратавальнікі пакуль не могуць дабрацца да месца выбуху з-за метану.
Цяпер спрабуюць выветрыць шахту. Да месца, дзе, верагодна, могуць знаходзіцца людзі каля аднаго кіламетра.
Як піша расійскае агенцтва ТАСС са спасылкай на прэс-сакратара «МНС ДНР», Юліяну Бядзілу, паводле папярэдняй версіі, прычынай аварыі стаў «выбух газапаветранай сумесі».
Юльяна Бядзіла дадала, што «гэта адбылося не ў выніку артылерыйскага абстрэлу».
Паводле паведамленняў, пад зямлёй знаходзіліся 207 чалавек.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну20
Каментары