У першую чаргу гэта датычыцца арэнды ўкраінскіх РЛС, а пасьля ўсіх «іншаземных» радараў.
У першую чаргу гэта датычыцца арэнды ўкраінскіх РЛС, а пасьля ўсіх «іншаземных» радараў. Рашэньне зьвязанае з тым, што «ўсе РЛС, якія знаходзяцца ў краінах былога Савецкага Саюзу, залежаць ад волі дзяржаў — Украіны, Азэрбайджана, Казахстана, Беларусі. Таму мы будзем адмаўляцца ад усіх станцыяў, якія месьцяцца за мяжой, ня хочам залежыць ад тых дзяржаў, у якіх яны знаходзяцца,» — заявіў Папоўкін.
Паводле яго словаў, Расея ня можа быць упэўнена перш за ўсё ў РЛС ва Ўкраіне, таму што іх абслугоўваюць цывільныя спэцыялісты, а не вайскоўцы. Радары можа спыніць любая дывэрсія, да таго ж Расея ня можа поўнасьцю верыць іх паказаньням. «У Беларусі і Казахстане працуюць нашы грамадзяне, а ва Ўкраіне за РЛС адказвае нацыянальнае касьмічнае агенцтва Ўкраіны. Якая тут можа быць дакладнасьць?» — кажа расейскі генэрал.
Таксама сёньня Дзяржаўная дума Расеі дэнансавала Дамову паміж урадамі Расеі і Ўкраіны аб сродках сыстэм папярэджаньня аб ракетным нападзе і кантролю касьмічнае прасторы ад 28 лютага 1997 году. Міністар абароны Расеі Анатоль Сердзюкоў падпісаў рашэньне аб адмове ў арэндзе РЛС у Севастопалі і Мукачова.
Цяпер чытаюць
Мікола Статкевіч павіншаваў беларусаў з Днём Волі, запісаўшы першае ВІДЭА пасля вызвалення6
Каментары