У канцы красавіка славутыя ўкраінцы правядуць у нашай краіне серыю канцэртаў «Усе буде добре».
«Океан Ельзи» з нагоды 20-годдзя ладзіць тур па Украіне, Еўропе і Амерыцы. У межах яго зоркі ўкраінскага року завітаюць і ў Беларусь, паведамляе Naviny.by.
Канцэрты пройдуць 26 красавіка ў Гомелі, 27 красавіка ў Віцебску, 29 красавіка ў Гродне і 30 красавіка ў Брэсце.
На іх гурт выканае «настальгічную» праграму са сваіх галоўных хітоў, у тым ліку «Без бою», «Вiще неба», «Я так хочу», «Така, як тi», «Квiтка» і «Все буде добре».
Цэны на квіткі каштуюць у раёне 300—600 тысяч.
З канцэртам у Мінску гурт выступаў у лістападзе мінулага года. Тады вакаліст гурта Святаслаў Вакарчук зняў феерычнае відэа залі «Мінск-Арэны», але канцэрт таксама запомніўся тым, што адміністрацыя адбірала ў слухачоў украінскія сцягі.
***
«Океан Ельзи» («Акіян Эльзы») быў створаны ў 1994 годзе ў Львове. Гурт грае ўкраінамоўны поп-рок, выдаў 8 студыйных альбомаў і тры дзясяткі відэакліпаў. Папулярнасць здабыў у 1998 годзе з дэбютным альбомам «Там, де нас нема». Сёння адзін з самых папулярных рок-гуртоў Украіны, добра вядомы ў СНД. У 2012 годзе прызнаны на ўкраінскай прэміі YUNA «Найлепшым гуртом дваццацігоддзя».
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары