9 (9). Уладзімір Сямашка
Віцэ-прэм’ер.
Ператасоўкі чыноўнікаў доўгі час не закраналі Уладзіміра Сямашку — дзесяць гадоў на адной пасадзе!
Але снежаньская ракіроўка прынесла яму паніжэнне. Цяпер ён не першы віцэ-прэм’ер, а проста віцэ-прэм’ер. Але сфера дзейнасць ранейшая: Сямашка адказвае за цану на нафту і газ, а таксама за будаўніцтва АЭС. «Ён як бульдог у перамовах, нікому ніякай пазіцыі не саступіць, і гэта ўсё аргументавана», — хваліць яго Лукашэнка, наракаючы толькі на цяжкі характар чыноўніка.
«Ёсць правіла руху знізу ўверх па іерархічнай лесвіцы … Я [Сямашку] прапаноўваў і іншыя пасады, цяжкія пасады … Ён мне кажа: «Не, калі вы не супраць, я яшчэ тут папрацую», — расказваў Лукашэнка. Няўжо Сямашка пайшоў на паніжэнне праз адмову стаць прэм’ер-міністрам?
Цытата
«Столькі крытыкаў вакол — часам рукі апускаюцца, думаеш, лепш наогул не займацца нічым».
У парламенце, кастрычнік 2014.
Аб’ектыўка
Нар. у 1949 у Калінкавічах. Закончыў БНТУ (1972). Пасля службы ў войску (1972–1974) працаваў на «Інтэграле» (1974–1996). Генеральны дырэктар «Гарызонта» (1996–2001). Міністр энергетыкі (2001–2003). Першы віцэ-прэм’ер Беларусі (2003–2014), віцэ-прэм’ер (ад 2014).
* * *
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць21
Каментары