Навукоўцы назвалі Наталі Портман уладальніцай самага прыгожага твару
Рэйтынг самых прыгожых твараў знакамітасцяў склаў навуковец Крыстафер Саламон з Кентскага ўніверсітэта, паведамляюць СМІ.
Эксперт правёў даследаванне, якое было засяроджана на пошуку аптымальных прапорцый твару. Для гэтага ён адабраў 100 кандыдатаў з ліку знакамітасцяў, параўнаўшы іх з ідэальнымі прататыпамі — партрэтамі мужчыны і жанчыны, якія склала камп'ютарная праграма, сфармаваўшы іх з найлепшых рыс — носа, рота, вачэй і авала твару.
Калі ідэальныя партрэты былі складзеныя, эксперт параўнаў іх з тварамі знакамітасцяў. У выніку Наталі Портман аказалася найбольш блізкай да ідэалу ў жаночым рэйтынгу, а ў мужчынскім пераможцам стаў мадэль Дэвід Гандзі.
У ліку ўладальніц прыгожых твараў сярод знакамітасцяў у жанчын аказаліся таксама Скарлет Ёхансан, Тэйлар Свіфт, Кендал Джэнер і Кіра Найтлі. Анджаліне Джалі дасталўся толькі сёмы радок.
У мужчын у першай пяцёрцы — аўстралійскі акцёр Крыс Хэмсварт, галівудскі любімчык Брэдлі Купер, на чацвёртым месцы Дэвід Бэкхэм, на пятым — Роберт Патынсан.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары