Спікер Сейма Латвіі Інара Мурніеце мяркуе, што падчас саміту Усходняга партнёрства ў Рызе неабходна дасягнуць «максімальнага прагрэсу ў сферы мабільнасці», бо ўвядзенне бязвізавага рэжыму ЕС з астатнімі краінамі праекта можа стаць адным з галоўных «бонусаў» гэтай ідэі.
Пра гэта, як паведамляе BNS, яна заявіла падчас сустрэчы з прэзідэнтам Грузіі Георгіем Маргвелашвілі.
У праекце Усходняга партнёрства, акрамя краін Еўрасаюза, удзельнічаюць таксама Украіна, Малдова, Азербайджан, Арменія, Грузія і Беларусь.
Ва Украіну, у Малдову, Грузію і Арменію грамадзяне Латвіі на гэты момант могуць уязджаць без візы, калі мэта знаходжання ў краіне — кароткатэрміновая прыватная або турыстычная паездка. У сваю чаргу, Азербайджан і Беларусь не маюць з Латвіяй такой дамоўленасці.
Па словах Мурніеце, на саміце, які пройдзе ў сталіцы Латвіі ў маі, «неабходна даць ясны сігнал, што Усходняе партнёрства — доўгатэрміновая палітыка».
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары