У Мінску прайшоў IX чарговы з'езд грамадскага аб'яднання «Беларуская асацыяцыя журналістаў» (БАЖ). Жанна Літвіна не выстаўляла сваёй кандыдатуры на пасаду старшыні на чарговы тэрмін.
На з'езд, які прайшоў у гатэлі Crown Plaza, прыехала 87 з 88 дэлегатаў, вылучаных рэгіянальнымі філіяламі асацыяцыі і асобнымі рэдакцыямі.
У БАЖ уваходзяць 1150 чалавек.
Напярэдадні з'езда нязменны кіраўнік БАЖ Жанна Літвіна заявіла, што не будзе вылучаць сваю кандыдатуру на пасаду старшыні.
Дэлегаты з'езда ўсталі, каб падзякаваць спадарыні Літвіной воплескамі за доўгую адданую працу.
«Я бясконца ўдзячная маім калегам, якія на мінулым з'ездзе мяне падтрымалі і адэкватна паставіліся да той хвалі дыскрэдытацыі, якая была разлічана на развал арганізацыі, — сказала Літвіна ў інтэрв'ю часопісу «Абажур», які выпускае БАЖ. — Але існуе «закон грамадскай стомленасці». Я адчуваю, што гэты крок цяпер проста неабходны. Каб захаваць павагу да сябе, нават з улікам таго, што БАЖ — неад'емная частка майго жыцця».
На прапанову Рады новым кіраўніком арганізацыі быў адзінагалосна абраны намеснік Жанны Літвіной Андрэй Бастунец.
Намеснікамі старшыні арганізацыі былі абраныя Аляксандр Старыкевіч («Салідарнасць»), Святлана Калінкіна («Народная воля» / «Белсат»), Міхась Янчук («Белсат») і Аліна Суравец (БАЖ).
-
Іван Прус расказаў, як нажыўся на 200 даляраў, пасяліўшы кіназорку ў занядбанай кватэры каля сметніка ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары