У замежны пракат ён выйдзе як «Код Каіна».
Беларускі нацыянальны кінапраект атрымае назву «Код Каіна» («The Code of Cain») для замежнага пракату, перадае БелТА словы генеральнага прадзюсара кампаніі Nonstop Media Сяргея Ждановіча.
У Беларусі, Расіі, Украіне і Казахстане фільм захаваў сваю другую назву — «Мы, браты».
Па словах Ждановіча, фільм выйдзе найперш на постсавецкай прасторы ў верасні 2015 года, у амерыканскі і еўрапейскі пракат трапіць на паўтара-два тыдні пазней.
Раней меркавалася выпусціць фільм у беларускі пракат 18 красавіка.
***
Фільм «Мы, браты» — найбуйнейшы праект беларускай прыватнай кампаніі. Бюджэт стужкі складае 2 млн даляраў.
Рэжысёр фільма — Уільям дэ Віталь, раней вядомы пареважна як каскадзёр і пастаноўшчык трукаў. Галоўныя ролі выканалі Наташа Алем (амерыканская акторка родам з Ташкента, зорка часопісаў Playboy i Maxim), Яўген Гмарлоўскі, Эрык Робертс, Сэлі Кёркланд ды мноства беларукіх і расійскіх актораў.
Фільм нарадзіў крылатую фразу «что-то не так». Падчас здымак у Мінску на плошчы Незалежнасці, дзе імітаваўся штурм Дому Ураду, удзельнікам масоўкі забаранілі крычаць «Жыве Беларусь!» — прыйшлося выдумляць новы лозунг.
Чытайце таксама:
Сяргей Ждановіч, прадзюсар фільма «Авель»: Трэба ж любіць сваё — беларускае!
Міністр Святлоў: Любыя маніпуляцыі з фільмам «Мы, браты» магчымыя толькі з дазволу дзяржавы
Прапагандысты запэўніваюць, што 196 палітвязняў ужо на свабодзе8
Каментары