Робат здаў экзамен па гісторыі з дапамогай Вікіпедыі
З варыянтамі адказаў 45 балаў са 100, без варыянтаў — часам да нуля. Агулам за экзамен 37 балаў.
Даследчы цэнтр Fujitsu ў Кітаі стварыў праграму для вырашэння тэкставых задач. Іх праграма здолела даць 37% правільных адказаў, распавядае N+1.
Робат параўноўваў тэксты заданняў і варыянтаў адказу з архівам артыкулаў англамоўнай Вікіпедыі. Такім чынам ён здаў японскі ўступны экзамен катэгорыі па сусветнай гісторыі.
Да тэксту задання, пытання і варыянтаў адказу падбіраліся загалоўкі артыкулаў Вікіпедыі са словамі з іх. Правільным абіраўся той варыянт адказу, у якім найбольш загалоўкаў супадала з загалоўкамі да тэксту і пытання.
Адказы класіфікаваліся праз 11 стандартных алгарытмаў, а вырашэнне прымалася як сярэдняе між імі. Улічваліся не толькі загалоўкі артыкулаў, але і колькасць узаемных спасылак між артыкуламі з адпаведнымі загалоўкамі.
У пытаннях з чатырма варыянтамі адказаў робат меў поспех у 45% выпадкаў (што заўважна лепей за 25% пры выбары выпадковага адказу), але «заваліў» іншыя заданні экзамену, з некаторымі справіўся на нуль балаў.
Навукоўцы плануюць палепшыць алгарытм, але не кажуць наўпрост аб магчымых сферах яго ўжывання.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары