У матчы адборачнага турніру да Еўра-2016 зборная Расіі на сваім полі прайграла Аўстрыі з лікам 0:1.
Адзіны гол у сустрэчы забіў гулец аўстралійскага «Сіднэя» Марк Янка (33-я хвіліна), у яго, дарэчы, русінскія карані.
У расіян, якіх трэніруе Фабіё Капэла, трэцяе месца: дзве перамогі (Чарнагорыя (тэхнічная перамога 3:0) і Ліхтэнштэйн), дзве нічыі (Швецыя і на сваім полі з Малдовай) і цяпер дзве паразы ад Аўстрыі.
Як рэзюмуе ў сваім анлайне расійская Tribuna.com «На жаль, перамога Аўстрыі атрымалася заслужанай. Усё выглядала так, як калі б мы сёння гулялі з Германіяй ці Францыяй — а не супернікам, які ў апошні раз гуляў на чэмпіянаце свету … паспрабуйце самі згадаць калі».
Сёння ў гэтай групе Швецыя гуляе з Чарнагорыяй.
Становішча: Аўстрыя — 16 (6), Швецыя — 9 (5), Расія — 8 (6), Чарнагорыя — 5 (5), Ліхтэнштэйн — 5 (6), Малдова — 2 (6).
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты51
Каментары