Дзяўчынка 2010 года нараджэння, якая знікла каля вёскі Пекалін Смалявіцкага раёна Мінскай вобласці, знайшлася.
Інфармацыя пра НЗ паступіла ў ноч на 27 чэрвеня, паведаміла абласное ўпраўленне МНС. У пошукавых работах былі задзейнічаныя супрацоўнікі РАУС, работнікі МНС і мясцовае насельніцтва, пазней падключыліся ваенныя і валанцёры пошукава-выратавальнага атрада «Анёл».
Як паведамляе старонка атрада, пяцігадовая Ангеліна напярэдадні вечарам пасварылася з сястрой, не захацела вяртацца дадому, пайшла гуляць і заблукала. Знайшлі дзяўчынку леснікі ў 4-5 км ад дома. Дзяўчынку з пераахаладжэннем даставілі ў бальніцу.
Каментары