Праз 12 месяцаў пасля трагедыі MH17, апублікаваныя новыя доказы віны баевікоў у трагедыі, піша УНІАН.
Журналісты News Corp Australia апублікавалі кадры, знятыя самімі баевікамі на месцы крушэння Боінга адразу пасля трагедыі.
На відэа, скрыншоты з якога апублікаваныя, запісаныя першыя хвіліны пасля выяўлення збітага баевікамі камерцыйнага авіялайнера.
На іх відаць, як баевікі фатаграфуюць рэшткі загінулых пасажыраў, а таксама аглядаюць іх асабістыя рэчы.
Як паведамляе выданне, баевікі аглядалі сумкі ахвяр, пасля чаго сабралі цэлую кучу з мабільных тэлефонаў і асабістых рэчаў пасажыраў.
Камандзір, які прыбыў на месца, па тэлефоне камусьці распавядае, што было два самалёты, пасля чаго загадвае ўсім цывільным ачысціць тэрыторыю і нічога не здымаць з-за боязі, што кадры патрапяць у інтэрнэт.
Камандзір за кадрам кажа: «Яны кажуць, што Сухі збіў грамадзянскі самалёт (…)», «Так і ёсць … Гэта пасажырскі самалёт».
Пазней ён паказвае ID-карту сцюардэсы. «Бачыш, яны замежнікі, малайзійцы», — кажа ён.
Невядомы камандзір атрымлівае шматлікія тэлефонныя званкі, у тым ліку ад завадатара баевікоў з Данецка, якога завуць Руслан, Уладзіміра Анцюфеева — былога кіраўніка КГБ кантраляванага Расіяй Прыднястроўя, і аднаго з верхаводаў луганскіх баевікоў з імем «Калян», гаворыцца ў артыкуле.
«Боінг» Malaysia Airlines, што ляцеў рэйсам Амстэрдам — Куала-Лумпур быў збіты роўна год таму, 17 ліпеня 2014 г., над Данецкам. Загінулі ўсе 298 чалавек, якія знаходзіліся на борце.
Цяпер чытаюць
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска2
Каментары