Жнівень яшчэ дасць нам магчымасць адчуць летнюю спякоту. Пра надвор'е на выходных распавяла галоўны сіноптык службы гідраметэаралагічных прагнозаў Рэспубліканскага гідраметцэнтра Святлана Рыбакова.
1 жніўня, у суботу, ноччу ў асобных раёнах краіны пройдуць кароткачасовыя дажджы, днём будзе пераважна без ападкаў, толькі месцамі па поўначы краіны яшчэ магчымы кароткачасовыя дажджы. У начныя і ранішнія гадзіны ў асобных раёнах слабы туман. Тэмпература паветра мінімальная ноччу +6…+12°С, максімальная днём +17…+23°С, па поўдні паветра прагрэецца да +25°С.
2 жніўня, у нядзелю, чакаецца вельмі камфортнае надвор'е без ападкаў. Тэмпература паветра мінімальная ноччу +6…+11°С, месцамі да +13°С. Днём пацяплее, і максімальная тэмпература дасягне адзнак +20…+27°С, па паўднёвым захадзе месцамі да +29°С.
На наступным тыдні ў Беларусі ўсталюецца сапраўднае летняе надвор'е.
3—4 жніўня пераважна без ападкаў, толькі днём у панядзелак месцамі па поўначы магчымыя кароткачасовыя дажджы, навальніцы. Тэмпература паветра мінімальная ноччу +9…+15°С, па поўдні месцамі да +18°С; максімальная днём +24…+31°С, толькі па поўначы краіны прахаладней, там +21…+23°С.
Цяпер чытаюць
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю22
«І ўпершыню прагучала: фашысты-лукашысты». Чарнобыльскі Шлях — 1996 ва ўспамінах відавочцаў, якія праз дзесяцігоддзі пасля таго дня сталі мужам і жонкаю2
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары