Але гэта яшчэ не перамога.
Вірусолагі з універсітэта Каліфорніі (ЗША) здолелі «абудзіць» і «выгнаць» вірус імунадэфіцыту чалавека з дапамогай лекаў ад раку і мужчынскага кантрацэптыву, пра што распавялі ў PLOS Pathogens.
ВІЧ можна перамагчы да таго, як ён «засядзе» ў клетках, ці, калі ўжо «засеў», «выгнаць» вірус з клетак і ўдарыць па ім «шокавай тэрапіяй». Каліфарнійская методыка вырашае палову праблемы: вірус навучыліся эфектыўна «выганяць» ужо існымі сродкамі.
Сучасная камбінаваная антырэтравірусная тэрапія (HAART) можа падавіць некаторыя этапы размнажэння вірусу, але не знішчыць яго — той застаецца ў арганізме і чакае, пакуль пацыент перастане прымаць лекі.
З такой «спячкі» вірус трэба «прабудзіць», каб далей мець магчымасць знішчыць. Камбінацыя існых (і дазволеных Сусветнай арганізацыяй аховы здароўя) прэпарата ад раку PEP005 і мужчынскага кантрацэптыву JQ1 якраз запускае асаблівыя сігнальныя ланцугі ў заражаных клетках, што «камандуюць» вірусу «абуджацца».
Застаецца знайсці сродак для знішчэння «выгнанага» вірусу і правесці тэсты камбінацыі сродкаў на прыматах і, у выпадку поспеху, на людзях.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары