Тады яны выдадуць новы альбом.
Адзін з двух нашчадкаў «Ляпісаў», гурт Trubetskoy, выдасць у кастрычніку дэбютны альбом, распавёў Sputnik-у дырэктар гурту Яўген Калмыкоў.
Новыя песні будуць адрознівацца як ад творчасці «Ляпісаў», так і ад ранейшых песень Trubetskoy. Калі слухачам гэты альбом не «зайдзе», гурт засядзе ў студыі і напіша яшчэ адзін альбом.
«Мы робім усё стаўкі на гэты альбом, таму што з восені гурт больш не будзе выконваць песні з рэпертуару «Ляпіса Трубяцкога», — кажа Калмыкоў. — Калі дэбютны альбом «пойдзе» — планы будуць грандыёзныя, калі не — хай садзяцца ў студыю і пішуць новы альбом».
Пасля распаду «Ляпісаў» у верасні 2014 года ўдзельнікі гурту ўтварылі два праекты: Міхалок стаў лідарам Brutto (сёння жыве і працуе ва Украіне), другі вакаліст «Ляпісаў» Павел Булатнікаў стаў спяваць у Trubetskoy.
Пэўны час Trubetskoy вольна выконвалі песні «Ляпісаў» разам са сваімі ўласнымі, але ў сакавіку 2015-га Міхалок ім гэта забараніў, назваўшы «кавэр-бэндам». Маўляў, «Trubetskoy спявае песні, ідэі якіх не падзяляе». Trubetskoy адказалі Міхалку беларускамоўным самотнікам «Прывітанне ўсім наогул».
Гурт Міхалка тым часам працягвае выконваць некалькі галоўных хітоў «Ляпісаў» разам з новымі песнямі, а ў наступным альбоме абяцае «не строіць з сябе Агнію Барто».
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары