Мінпадаткаў прапанавала даць права сваякам гульняманаў забараняць ім уваход у казіно
Калі чалавек не хоча «забаніць» сябе сам, гэта прапануецца зрабіць яго сваякам праз суд.
Міністэрства па падатках і зборах распрацавала законапраект, што даць магчымасць родзічам залежных ад гульняў у казіно забараняць апошнім доступ у казіно, распавёў СБ начальнік галоўнага ўпраўлення кантролю падакцызных тавараў, ігральнага бізнесу і электронных сістэм кантролю рэалізацыі тавараў міністэрства Уладзімір Муквіч.
Сёння чалавек, які адчуў залежнасць ад казіно, букмейкерскіх кантор ці гульнявых аўтаматаў, можа сам сабе забараніць доступ у казіно: напісаць заяву да адміністрацыі, каб яго не пускалі. Але ахвяра азарту не заўсёды прызнае сябе такой, а родзічы хвалююцца.
Родзічам хочуць даць магчымасць забараняць залежным ад гульняў доступ у казіно ў судовым парадку.
Магчымасцю «забаніць» сябе ў казіно ў Беларусі на сёння скарысталіся каля 28 тысяч чалавек. Заяву можна напісаць на тэрмін ад паўгода да трох год — тэрмін некаторых заяў ужо выцек. Актыўных «банаў» засталося каля 19,2 тысяч.
Аналагічная практыка ёсць і ў іншых еўрапейскіх краінах. Чалавека, які сам сабе забараніў доступ у казіно, туды не пусцяць, нават калі будзе вельмі прасіць.
У Беларусі бывалі выпадкі, калі гульцы нават спрабавалі прадставіць чужыя дакументы. Ды казіно пільна сочаць за выкананнем «банаў», бо за іх парушэнне арганізатару гульні пагражае адміністрацыйная адказнасць.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі24
Каментары