У Беларусі не будзе штучна стрымлівацца курс нацыянальнай валюты. Пра гэта заявіў сёння Аляксандр Лукашэнка ў час наведвання і гутаркі з працоўным калектывам ААТ «Баранавіцкае вытворчае баваўнянае аб'яднанне».
«Мы не будзем штучна стрымліваць курс нацыянальнай валюты ў адносінах да іншых валют. І мы гэтага не робім. Калі мы пачнем яго стрымліваць і неяк спрабаваць гэтым стрымаць інфляцыю, дапамагчы чамусьці (не тыя часы), мы зноў прыйдзем да таго, што разава прыйдзецца на 30% дэвальваваць валюту», — сказаў кіраўнік дзяржавы.
Ён падкрэсліў, што па гэтай прычыне ў краіне прытрымліваюцца плавючага курсу.
«Тое, што зрабілі зараз Казахстан і Расія, мы гэта зрабілі раней, каб не спаліць золатавалютныя рэзервы. Балазе, трошкі золата даражэе, у нас яго, напэўна, тон пад 30, — адзначыў ён. — Таму мы прытрымліваемся плаваючага курсу, каб прайсці гэтыя цяжкія часы».
Разам з тым Аляксандр Лукашэнка звярнуў увагу, што ў цяперашняй сітуацыі нельга стрымліваць цэны.
«Мы пазіралі на цэны, — сказаў кіраўнік дзяржавы. - Калі пачнем трымаць, сыдуць тавары з рынку». «Так. Ёсць нейкая валацільнасць, рух, — адзначыў ён. — Я вам клянуся, што мы нічога не робім, каб стрымліваць ці ж узмацняць ці аслабляць нацыянальную валюту. Будзе больш валюты — будзе ніжэйшы курс, будзе высокі попыт, валюты не будзе — вы ведаеце, што будзе».
Аляксандр Лукашэнка падкрэсліў, што менавіта па гэтай прычыне ён патрабуе нарошчваць экспарт для прытоку ў краіну валюты.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары