Міністр унутраных спраў Францыі Бэрнар Казнёў распавёў пра новыя меры, накіраваных на ўмацаванне бяспекі на чыгуначным транспарце ў Еўропе, якія былі ўзгоднены краінамі — членамі ЕС на экстранай сустрэчы ў Парыжы.
Саміт быў прызначаны пасля нападу на пасажыраў высакахуткаснага цягніка, які рухаўся з Амстэрдама ў Парыж, 21 жніўня, калі толькі дзякуючы рашучым дзеянням некалькіх пасажыраў удалося пазбегнуць вялікай колькасці ахвяр.
Казнеў распавёў аб чатырох галоўных новаўвядзеннях: гэта ўзмацненне кантролю за асобамі пасажыраў і іх багажом на станцыях, узмацненне жорсткасці заканадаўства аб абарачэнні агнястрэльнай зброі, а таксама больш цеснае супрацоўніцтва спецслужбаў еўрапейскіх краін.
Міністр унутраных спраў Германіі Томас дэ Мэзьер заявіў, што, хоць і немагчыма адразу пачаць праверкі мільёнаў людзей, якія штодня здзяйсняюць паездкі чыгуначным транспартам па ўсіх краінах Еўрасаюза, але прагрэсу ў гэтым можна дасягнуць.
У сустрэчы бралі ўдзел міністры з Францыі, Брытаніі, Германіі, Італіі, Іспаніі, Бельгіі, Люксембурга, Нідэрландаў і Швейцарыі.
Цяпер чытаюць
Хто забараняе ў Беларусі кнігі — вось гэтыя 22 чалавекі4
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары