Ад лета да грамадзянаў, якія адмаўляюцца ўстанаўліваць прыборы ўліку вады, будуць прымацца «адміністрацыйныя або іншыя» меры ўзьдзеяньня.
Камунальныя службы Мінска маюць намер прымаць меры ўздзеяння да грамадзян, якія адмаўляюцца ўстанаўліваць прыборы ўліку расходу гарачай і халоднай вады. Аб гэтым паведаміў начальнік аддзела энергетыкі Мінгарвыканкама сёння на прэс‑канферэнцыі ў мэрыі.
Паводле яго слоў, гэта будуць адміністрацыйныя або іншыя меры.
«Перад ЖРЭА Мінска пастаўлена задача да чэрвеня ўстанавіць прыборы ва ўсіх жадаючых. Затым пачнецца работа з праблемнай катэгорыяй», — падкрэсліў прадстаўнік Мінгарвыканкама.
У асноўным не жадаюць ставіць прыборы ўліку грамадзяне, у якіх ёсць запазычанасці па аплаце жыллёва‑камунальных паслуг, канстатаваў Анатоль Лаўнічук. Праблематычна таксама ідзе гэты працэс у кватэрах малазабяспечаных гараджан, пенсіянераў, а таксама ў дамах, якія падлягаюць зносу. У цэлым амаль 40 тыс. уладальнікаў кватэр адмаўляюцца ўстанаўліваць лічыльнікі.
Спецыяліст удакладніў, што цяпер у сталіцы прыборамі ўліку аснашчана 460 тыс. кватэр (77 працэнтаў), засталося абсталяваць лічыльнікамі 155 тыс.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3518
Каментары