Журналіст за 750 еўра купіў сірыйскі пашпарт на імя прэм'ера Нідэрландаў
Галандскі журналіст выдаткаваў 750 еўра і 40 гадзін, каб купіць сірыйскі пашпарт і прадэманстраваць такім чынам, што з такімі дакументамі ў Еўропу можа трапіць хто заўгодна.
Пра гэта паведамляе выданне Nieuwe Revu.
Як адзначаецца, з пачатку вайны ў Сірыі тысячы бланкаў пашпартоў і прынтараў рэжыму Асада аказаліся пад кантролем баевікоў, якія прадаюць пашпарты любому, хто гатовы заплаціць.
«Усё, што вам трэба, гэта нумар аднаго з тых, хто займаецца гэтымі пашпартамі і канвертаваныя 750 еўра. І праз 40 гадзін вы ўжо маеце пашпарт», — адзначыў журналіст.
Пры гэтым ён прадэманстраваў сірыйскі пашпарт з фатаграфіяй галандскага прэм'ера Марка Рутэ, чыё імя было відазмененае на імя Малек Рамадан, месцам яго нараджэння пазначаны Дамаск.
Як вядома, заходнія СМІ неаднаразова пісалі пра страхі, што пад выглядам бежанцаў у Еўропу пранікаюць і тэрарысты.
Выданне адзначае, што «наступствы могуць быць жудасныя» і нагадвае пра атаку ў цягніку Thalys, тэракт у рэдакцыі французскага часопіса Charlie Hebdo і напад на Габрэйскі музей у Брусэлі, якія здзейснілі тэрарысты Ісламскай дзяржавы.
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары