Кіраўнік дзяржавы Аляксандр Лукашэнка распавёў, як у шчыльным прэзідэнцкім графіку знаходзіць час на адпачынак.
«Скончацца выбары, прыйдзе Новы год, мы знойдзем двое сутак для таго, каб адпачыць. Можа, будзе больш спакойна ў краіне і вакол яе», — сказаў Аляксандр Лукашэнка, адказваючы на пытанне работнікаў Беларускага металургічнага завода.
У цэлым кіраўнік дзяржавы адзначыў, што, як правіла, выкройвае для адпачынку дзень або нейкую частку дня паралельна з рашэннем рабочых пытанняў, як, напрыклад, падчас удзелу ў Форуме рэгіёнаў Беларусі і Расіі, што прайшоў нядаўна ў Сочы. «Калі ты ўцягваешся ва ўсе гэта і круцішся як вавёрка ў коле, а ў нейкі дзень адчуваеш не тое напружанне, то пачынаеш «азірацца» па баках, думаеш, што адбылося», — адзначыў беларускі лідар.
Ён мяркуе, што асабліва для тых, чыя праца не звязана з фізічнай актыўнасцю, вельмі важна паўтары-дзве гадзіны ў дзень прысвяціць фізічным нагрузкам, спорту.
«Гэта значна больш дае чалавеку, чым ты будзеш ляжаць дзесьці на ўзбярэжжы або, завязаўшы ў вузел ногі, глядзець тэлевізар. Хоць гэта таксама трэба», — упэўнены Аляксандр Лукашэнка.
Каментары