Уладзімір Пуцін заявіў, што расійскія войскі не будуць удзельнічаць у якіх-небудзь ваенных аперацыях у Сірыі.
«Расія не будзе ўдзельнічаць ні ў якіх вайсковых аперацыях на тэрыторыі Сірыі або ў іншых дзяржавах, ва ўсякім разе, на сённяшні дзень мы гэтага не плануем, — сказаў расійскі прэзідэнт у інтэрв'ю праграме «60 хвілін» амерыканскага тэлеканала Сі-бі-эс.
Тым не менш, ён падкрэсліў гатоўнасць Расіі актывізаваць дапамогу ўраду Башара Асада, заявіўшы, што ў Сірыі зараз ёсць толькі адна легітымная армія. Пуцін назваў падтрымоўваныя Вашынгтонам атрады сірыйскай апазіцыі тэрарыстычнымі арганізацыямі.
«Там ёсць толькі адна звычайная легітымная армія. Гэта армія прэзідэнта Сірыі Асада. І яму супрацьстаіць, па інтэрпрэтацыі некаторых нашых міжнародных партнёраў, апазіцыя. Але на самай справе, у жыцці, рэальна армія Асада змагаецца з тэрарыстычнымі арганізацыямі», — сказаў расійскі прэзідэнт у адказ на словы журналіста Сі-бі-эс Чарлі Роўза аб тым, што расійскія баявыя самалёты і сістэмы ПЗРК выкарыстоўваюцца ў Сірыі супраць звычайнай арміі, а не супраць экстрэмістаў.
Цяпер чытаюць
Мёртвым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ10
Каментары