У Баранавічах рэзка адрозніваюцца вынікі на ўчастках з назіральнікамі і без
Магчыма, гэта проста супадзенне, але там, дзе ў Баранавічах назіральнікі маглі кантраляваць падлік галасоў, вынікі галасавання ашаламляльна адрозніваюцца ад вынікаў, дзе камісіі не дазвалялі назіральнікам гэта зрабіць.
На ўчастку для галасавання №26 у СШ №20 прысутнічала пяць назіральнікаў. Падчас падліку галасоў яны стаялі ў пяці метрах ад стала і практычна нічога не маглі разгледзець, бо члены камісіі шчыльна абступілі стол.
Згодна з пратаколам на ўчастку №26 прагаласавалі 88,9% выбаршчыкаў. Датэрмінова тут прагаласавалі 37,5% ад агульнай колькасці выбаршчыкаў.
Усе галасы размеркаваліся наступным чынам:
— за Аляксандра Лукашэнку прагаласавалі 87,7% выбаршчыкаў,
— за Сяргея Гайдукевіча — 5%,
— за Таццяну Караткевіч - 2%,
— за Мікалая Улаховіча - 1,8%.
Яшчэ 3,5% бюлетэняў былі супраць усіх або сапсаваныя.
А вось на выбарчым участку №38 у Цэнтральнай гарадской бібліятэцы дзевяць назіральнікаў знаходзіліся ў некалькіх метрах ад стала і маглі бачыць падлік галасоў. У выніку вынікі на гэтым участку аказаліся іншымі, чым на папярэднім участку або ў цэлым па краіне.
На ўчастку №38 яўка склала 59,02% ад ліку выбаршчыкаў. Ад агульнай колькасці выбаршчыкаў датэрмінова прагаласавалі 22,2%.
Усе галасы размеркаваліся наступным чынам:
за Аляксандра Лукашэнку — 64,8%,
за Таццяну Караткевіч — 22,3%,
за Мікалая Улаховіча — 2,9%,
за Сяргея Гайдукевіча — 2,2%,
6,9% выбаршчыкаў прагаласавалі супраць усіх, а 1% бюлетэняў прызнаныя сапсаванымі.
Цяпер чытаюць
Беларуска набіла на целе партрэты Лукашэнкі і яго сыноў, Умкі, Пуціна ды Сі Цзіньпіна12
Каментары