Кампанія velcom выступіла ініцыятарам і генеральным партнёрам новага тэлевізійнага праекта «1000 музеяў Беларусі», які стартаваў у кастрычніку.
Двойчы на тыдзень у ранішнім эфіры тэлеканала «Беларусь 1» выходзяць сюжэты, прысвечаныя самым цікавым і незвычайным музеям краіны. Яны таксама даступныя для прагляду ў спецыяльным раздзеле на афіцыйным канале velcom у YouTube.
Першыя выпускі праекта прысвечаны этнаграфічнаму комплексу «Млын» у Заслаўі, музею кнігі Нацыянальнай бібліятэкі Беларусі, музею народнай архітэктуры і побыту «Строчыцы» ў в. Азярцо. Дзякуючы праекту «1000 музеяў Беларусі», многія гледачы ўпершыню даведаліся пра Музей традыцыйнага ручнога ткацтва Паазер'я ў Полацку і Музеі вавёркі ў Вялікай Бераставіцы. Да канца 2015 года яшчэ 20 сюжэтаў выйдуць у праграме «Добрай раніцы, Беларусь!» па аўторках і чацвяргах.
«Мэта гэтага тэлепраекта — паказаць разнастайнасць і арыгінальнасць музеяў у розных кутках Беларусі, — распавядае начальнік аддзела карпаратыўных камунікацый кампаніі velcom Вячаслаў Смірноў. — У адпаведнасці са стратэгіяй карпаратыўнай сацыяльнай адказнасці velcom мы ўдзяляем значную ўвагу праектам, звязаным з нацыянальнай культурай Беларусі. Мы рады ўнесці свой уклад у папулярызацыю беларускіх музеяў — важнай часткі нацыянальнага здабытку краіны».
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА19
Каментары