Спецыялісты Сусветнай арганізацыі аховы здароўя (СААЗ) і Міжнароднага агенцтва па вывучэнні рака прыйшлі да высновы: штодзённае спажыванне больш за 50 г перапрацаванага мяса — кілбас, сасісак або вяндліны — павышае рызыку ўзнікнення раку кішачніка на 18%, паведамляе Бі-бі-сі.
Як сцвярджаюць даследчыкі, само мяса шкоды не нясе — канцэрагенным эфектам шкодны тыя рэчывы, якія выкарыстоўваюцца пры яго перапрацоўцы ў кілбасы. Аднак нягледзячы на тое, што мяса цяпер стаіць у адным шэрагу з такімі канцэрагенамі як тытунь ці алкаголь, ступень яго небяспекі значна ніжэйшая.
«Індывідуальная рызыка развіцця каларэктальнага раку з-за спажывання мясных прадуктаў застаецца даволі нізкай, але яна павышаецца з павелічэннем колькасці з'ядаемага перапрацаванага мяса», — каментуе спецыяліст СААЗ Курт Страйф.
Навукоўцы нагадваюць, што чырвонае мяса мае і карысныя ўласцівасці — яно багатае вітамінам В12, цынкам і жалезам.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску31
Каментары