Кіраўнік расійскага ўрада Дзмітрый Мядзведзеў даручыў ураду выпрацаваць комплекс мер у эканамічнай і гуманітарнай сферах наконт адказу Расіі на «акт агрэсіі» з боку Турцыі.
«Гэта, безумоўна, акт агрэсіі супраць нашай дзяржавы з боку Турцыі, нашага суседа і да таго ж яшчэ і члена Паўночнаатлантычнага альянсу», — сказаў Мядзведзеў, адкрываючы пасяджэнне Кабінета міністраў.
Паведамляецца, што абмежаванні будуць тычыцца інвестпраектаў з Турцыяй, якія могуць быць згорнутыя і замарожаныя. Сярод іншага, Мядзведзеў прапанаваў згарнуць перамовы па прэферэнцыяльным рэжыме з Турцыяй.
Прэм'ер-міністр даў два дні на падрыхтоўку прапаноў па абмежавальных мерах супраць Турцыі і заявіў, што гэтыя меры не будуць абмежаваныя якім-небудзь тэрмінам.
Эканамічныя абмежаванні ў дачыненні да Турцыі будуць адпавядаць нормам СГА, аператыўна адзначыў міністр эканамічнага развіцця Аляксей Улюкаеў на пасяджэнні ўрада.
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?3
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары