Першая ахвяра тонкага льду зарэгістраваная ў Віцебскай вобласці, паведамілі ў абласной арганізацыі Асвод.
Цела 53-гадовага жыхара вёскі Ходцы ў Сенненскім раёне выявілі вадалазы раніцай 29 лістапада за 20 м ад берага. Занепакоеныя прапажай сваякі пачалі пошукі і на лёдзе мясцовага возера знайшлі яго шапку. Тады і выклікалі спецыяльныя службы.
«Абставіны здарэння яшчэ высвятляюцца. Невядома, ці пайшоў мужчына позна ўвечары 28 лістапада ці пад раніцу, навошта ён выйшаў на лёд — паблізу не было знойдзена рыбалоўных прыладаў. Магчыма, ён хацеў зрэзаць шлях, але лёд быў вельмі тонкім — 2-3 см», — дадалі ў Асводзе.
Бяспечным для чалавека лічыцца лёд таўшчынёй не менш за 7 см.
Цяпер чытаюць
На Мазырскім нафтаперапрацоўчым заводзе прайшлі затрыманні сярод кіраўніцтва2
Каментары