У Латвіі адмовіліся прыбраць беларускія і расійскія гарады з дарожных паказальнікаў
Прыбраць беларускія і расійскія гарады з дарожных паказальнікаў у Латвіі патрабавалі некаторыя актывісты не першы год. Але чыноўнікі супраць.
Замена дарожных знакаў з назвамі гарадоў Беларусі і Расіі ў цяперашні час не з'яўляецца прыярытэтным пытаннем, паведамілі LETA прадстаўнікі Міністэрства транспарту Латвіі.
Міністэрства падлічыла, што кошт замены знакаў з падаткам на дабаўленую вартасць можа скласці каля 400 000 еўра. Чыноўнікі рашылі, што важней інвеставаць грошы ва ўтрыманне і будаўніцтва дарог мясцовага значэння.
У міністэрстве адзначылі, што на дарогах Латвіі агулам 235 паказальнікаў са згадкай гарадоў Беларусі і Расіі. Чыноўнікі адзначылі, што ў адпаведнасці з нарматыўнымі патрабаваннямі на дарожных знаках павінны быць паказаны не толькі гарады на тэрыторыі Латвіі, але і замежныя сталіцы або цэнтральныя гарады замежжа, якія ўваходзяць у маршрут.
Што вядома пра віцебчука, якога вінавацяць у спробе падрыву самалёта ў Германіі12
Каментары