Шумчанка назваў «хлуснёй і правакацыяй» публікацыю аб «Маршы пустых каструль»
Сёння на сайце «Беларускага партызана» з’явілася інфармацыя, што грамадская арганізацыя «Перспектыва» ладзіць 16 студзеня а 12:00 «Марш пустых каструль» на Кастрычніцкай плошчы.
Маўляў, гэткім чынам прадпрымальнікі будуць патрабаваць адмены ўказа №222, якія абавязвае мець сертыфікаты на ўсю прадукцыю, а таксама неадкладнай адстаўкі Аляксандра Лукашэнкі і правядзення новых сумленных выбараў.
Лідар «Перспектывы» Анатоль Шумчанка назваў дадзеную публікацыю «хлуснёй і правакацыяй». Ён запэўнівае, што ніякіх падобных заяў арганізацыя не рабіла.
Каментары