Зміцер Вайцюшкевіч атрымаў стыпендыю Міністэрства культуры Польшчы і на паўгода пераязджае з сям'ёй у Варшаву
Беларускі музыка атрымаў стыпендыю Міністэрства культуры Польшчы, накіраваную на паляпшэнне міжкультурнага дыялогу і наладжванне сувязяў паміж Польшчай і суседнімі краінамі. Найбліжэйшыя паўгода Вайцюшкевіч разам з сям'ёй правядзе ў Варшаве. Пра гэта ён распавёў музычнаму парталу tuzin.fm.
Па словах музыкі, у Польшчы ён плануе вывучаць эстрадны музычны тэатр, каб потым стварыць нешта падобнае на Брадвей у Беларусі.
Але, нягледзячы на пераезд, ён не плануе згортваць музычную дзейнасць і гатовы прыязджаць у Беларусь з канцэртамі, калі іх дазволяць. Нагадаем, з 2011 года ў музыкі былі праблемы з арганізацыяй канцэртаў у Беларусі.
«Апошнім часам усё адно Ў Польшчы было больш канцэртаў, чым на радзіме, таму нічога прынцыпова не змяняецца. Заставацца на сталае месца жыхарства за мяжою я не збіраюся, хоць такіх магчымасцяў было безліч. Сэрца маё Ў Вайцюшках і ў Беларусі, а цела — яно ж паўсюль можа лётаць», — распавёў спявак.
Каментары