ДАІ Мінска будзе больш жорстка кантраляваць пешаходныя пераходы з 8 лютага
Пра гэта паведаміў старшы інспектар па агітацыі і прапагандзе АДАІ Маскоўскага РУУС сталіцы Любоў Трапашка. «Прафілактычныя мерапрыемствы пачнуцца з панядзелка і працягнуцца да 17 лютага. Перш за ўсё, інспектары будуць сачыць за выкананнем кіроўцамі правілаў праезду пешаходных пераходаў. Акрамя таго, у гэты перыяд ўвесь асабісты склад дарожнай міліцыі будзе патруляваць напружаныя ўчасткі дарог», - сказала Любоў Трапашка.
Нарады ДПС будуць набліжаныя да аварыйна-небяспечных пешаходных пераходаў, прыпынкаў грамадскага транспарту і навучальных установаў.
Парушэнні правілаў праезду пешаходных пераходаў супрацоўнікі ДАІ будуць фіксаваць з дапамогай сучасных тэхнічных сродкаў. Акрамя таго, інспектары правядуць тлумачальныя гутаркі на прадпрыемствах і ў навучальных установах па выкананні ПДР усімі ўдзельнікамі дарожнага руху.
Пры пад'ездзе да пешаходнага пераходу кіроўца павінен рухацца з хуткасцю, якая дазволіць яму пры неабходнасці саступіць дарогу пешаходам. Калі перад пешаходным пераходам спыніўся або замарудзіў рух транспартны сродак, то вадзіцелі іншых машын, якія рухаюцца па суседніх палосах руху у спадарожным напрамку, павінны знізіць хуткасць і пры наяўнасці пешаходаў саступіць ім дарогу.
За парушэнні правілаў праезду пешаходных пераходаў КаАП Беларусі прадугледжвае адказнасць у выглядзе штрафу да 5 базавых велічынь (цяпер адна БВ роўная Br210 тыс.). Пры паўторным падобным парушэнні на працягу года штраф павялічыцца да 8 БВ. Калі кіроўца не прапускае пешахода на пераходзе, ён можа атрымаць штраф у памеры ад 1 да 5 БВ. Калі ж вадзіцель не прапусціў пешахода і тым самым стварыў аварыйную сітуацыю, то сума штрафу можа скласці ад 5 да 25 БВ з пазбаўленнем правоў на тэрмін да двух гадоў. У 2015 годзе з прычыны парушэння кіроўцамі правілаў праезду пешаходных пераходаў у Мінску адбылося 141 ДТЗ, у якіх загінулі 4 чалавекі і 147 атрымалі траўмы.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары