Валэнса раскрыў прозвішча супрацоўніка спецслужбаў, які «падставіў яго»
Былы прэзідэнт Польшчы Лех Валэнса раскрыў прозвішча чалавека, якога лічыць вінаватым у сваіх праблемах, звязаных з заявамі пра яго супрацоўніцтва са службамі бяспекі часоў ПНР (першая палова 1970-х).
Валэнса сцвярджае, што «пры двух сведках падпісаў два такія дакументы, дзякуючы якім супрацоўнікі спецслужбаў маглі браць грошы для сябе».
«Яны бралі грошы для сябе, не для мяне і, о цуд, гэта рабілі па чарзе розныя людзі і досыць доўга. Я даўно перастаў з ім падтрымліваць кантакт», — напісаў Валэнса.
«Капітан Грачык (прозвішча аднаго з супрацоўнікаў службаў бяспекі, якія вялі справу «Болека»), гэта вы мяне так падставілі, а я злітаваўся над вамі. Застаецца толькі адно пытанне — вы рабілі гэта самі ці з кімсьці», — дадаў ён.
Экс-прэзідэнт Польшчы чарговы раз падкрэсліў, што падпісаў дакументы, аднак, не даносіў і не браў грошай у спецслужбаў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары