Ніжняя палата нямецкага парламента падтрымала ўзмацненне жорсткасці міграцыйнага заканадаўства краіны, якога дамагалася канцлер Ангела Меркель.
429 дэпутатаў Бундэстагу прагаласавалі за прыняцце пакета законапраектаў, 147 — супраць.
Згодна з ухваленымі нормамі, заяўкі пэўнай групы мігрантаў будуць разглядацца ў паскораным рэжыме. Гэта тычыцца тых, хто прыбыў з краін, якія ў Германіі лічацца «бяспечнымі».
Мігранты з такіх краін будуць размяшчацца ў спецыяльных установах. Яны не змогуць самі выбіраць месца жыхарства ў ФРГ.
Таксама ў новых нормах прапісаныя змены для мігрантаў, якія не з'яўляюцца бежанцамі, але не падлягаюць вяртанню на радзіму ў сувязі з пагрозай пакарання ці катаванняў.
Такія мігранты змогуць выклікаць свае сям'і ў Германію толькі праз два гады. Звычайна ім даецца гадавы дазвол на жыхарства, які потым працягваюць.
Паскорыцца ў тым ліку працэс выправаджэння тых мігрантаў, якія не маюць права на атрыманне прытулку, і асуджаных замежнікаў.
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма3
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары