Індыя гатова інвеставаць у фармацэўтычную прамысловасць Беларусі, паведаміў журналістам рэгіянальны дырэктар Савета па пашырэнні экспарту фармпрадукцыі Індыі Абай Сінха.
«Мы гатовыя да інвеставання», — сказаў Абай Сінха. Ён адзначыў, што ўкараненне індыйскіх тэхналогій можа адбывацца рознымі спосабамі, напрыклад, праз стварэнне сумесных прадпрыемстваў.
Паводле слоў рэгіянальнага дырэктара, беларускі рынак невялікі з пункту гледжання колькасці насельніцтва, але ў той жа час вельмі цікавы для індыйскіх кампаній, паколькі мае высокі экспартны патэнцыял. Праз Беларусь можна пастаўляць прадукцыю ў тым ліку і ў іншыя краіны СНД.
Надзвычайны і Паўнамоцны Пасол Індыі ў Беларусі Панкадж Саксена падкрэсліў, што фармгаліна з'яўляецца важнай сферай як для Індыі, так і Беларусі. «Я мяркую, што супрацоўніцтва ў гэтай галіне паміж дзвюма нашымі сяброўскімі краінамі будзе выгадным і карысным у тым плане, што можна наладзіць сумесную вытворчасць высакаякасных эфектыўных і недарагіх лекавых прэпаратаў», — сказаў ён. Ужо вядзецца адпаведная работа.
Сёння ў Мінску праходзіць прэзентацыя кампаній фармацэўтычнай прамысловасці і аховы здароўя Індыі і сустрэча ў фармаце В2В. У мерапрыемстве ўдзельнічаюць 37 фармкампаній з Індыі, якія прадстаўляюць малы і сярэдні бізнес. Усе яны плануюць выйсці на беларускі рынак упершыню. Цяпер Беларусь супрацоўнічае з 11 буйнымі індыйскімі кампаніямі.
Арганізатарамі мерапрыемства выступаюць Савет па пашырэнні экспарту фармпрамысловасці Індыі, пасольства Індыі ў Беларусі, ЗАТ «Тэхніка і камунікацыі» пры садзейнічанні Міністэрства аховы здароўя Беларусі.
Цяпер чытаюць
21‑гадовага курсанта Акадэміі авіяцыі асудзілі за Гаюна4
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары