У маленькім доміку разбураныя дзве сцяны, 82-гадовы гаспадар дома атрымаў апёкі твару і рук.
Усё адбылося раніцай 8 сакавіка. Мужчына жыве разам з жонкай у вёсцы Ладзенікі. Раніцай дня пенсіянер адправіўся ў летнюю кухню, каб падагрэць ваду для гаспадарчых патрэб на ацяпляльна-варачнай печы. Тут жа знаходзілася і газавая пліта. Вентыль газавага балона мужчына ніколі не зачыняў, што і прывяло да трагедыі.
Хутчэй за ўсё, за ноч мышы пашкодзілі гума-тканевы рукаў, які злучаў балон і пліту. Пах газу гаспадар не адчуў, таму, пасля таго, як запоўніў печ дровамі, узяў запалку. Тут і адбыўся выбух. Ён быў такой сілы, што ў доміку разбурыліся дзве сцяны.
Цяпер пенсіянер знаходзіцца ў хірургічным аддзяленні райбальніцы. Яго стан здавальняючы, паведамляе прэс-служба УМНС па Гродзенскай вобласці.
Каментары